Hazırda Azərbaycan Respublikası Mərkəzi Bankının nəzarəti altında aşağıdakı layihələr məhdud sayda istifadəçi ilə sınaqdan keçirilir.
“Svort” MMC
Kripto platforma
Sınaq müddəti: 01.02.2025 - 31.07.2025
“Svort” rəqəmsal aktivlərin alınması və satılması, müxtəlif növ tokenlərin dəyişdirilməsi, kriptovalyuta cüzdanlarının açılması və təhlükəsiz saxlanmasını təmin edir. Şirkət, həmçinin “Whitebird” platformasının imkanlarını istifadə edərək spot və marja ticarəti kimi əməliyyatları həyata keçirir və müasir texnoloji həllərdən istifadə edir.
https://whitebird.io
geray@svort.io
+994 55 207 48 51
“Unicapital İnvestisiya Şirkəti” ASC
Kriptobroker
Sınaq müddəti: 09.12.2024 - 09.06.2025
“Unicapital İnvestisiya şirkəti”nin təqdim etdiyi “Kriptobroker platforması” virtual aktivlərin asan və təhlükəsiz şəkildə alışı, satışı və saxlanılması ilə bağlı məhdud sayda istifadəçi qrupu üçün maliyyə xidmətini təklif edən sınaq layihəsidir. Platforma, həmçinin, istifadəçilərə virtual aktivlərin qiymətlərini izləmə imkanı verir və yalnız lisenziyalaşdırılmış, tənzimlənən xidmət təminatçıları ilə əməkdaşlıq edir.
“Pasha Pay” MMC
Kripto birja cüzdanına köçürmələr
Sınaq müddəti: 15.11.2024 - 15.05.2025
“PashaPay” MMC tərəfindən təqdim edilmiş bu layihədə “m10” tətbiqinin “Binance” kriptovalyuta platforması ilə inteqrasiyası nəzərdə tutulur. Bu innovativ məhsul istifadəçilərə kriptovalyuta əməliyyatlarını təhlükəsiz və şəffaf şəkildə icra etmək üçün “Binance” platformasında müştərinin manat cüzdanına mədaxil edilməsini asanlıqla həyata keçirmək imkanı yaradır.
“Mobile Payment Solutions” MMC
PortCoin kriptovalyutası
Sınaq müddəti: 15.11.2024 - 15.05.2025
“Mobile Payment Solution” MMC tərəfindən təqdim edilmiş PortCoin kriptovalyutası istifadəçilərə digər birja və hesablarda olan kripto aktivlərini qısa müddətdə Portmanat hesablarına köçürməyə və onları AZN-ə çevirməyə imkan verir. Bu tokenin yaradılmasının əsas məqsədi ölkəmizdə kriptovalyutaların təhlükəsiz mühitdə istifadəsini artıraraq Azərbaycanın rəqəmsal maliyyə bazarında innovasiyaların tətbiqinə tövhə verməkdir.